布拉加 VS 甘马雷斯

呢場係米尼奧打戰，激烈程度唔會畀波圖市打同里斯本打遜色，因為布拉加同甘馬雷斯兩隊球迷，向來牙齒印甚深，故布拉加高層一早已落柯打，今仗許勝不許和，自己地頭作賽務必全取三分，波飛亦一早賣晒，主隊有大批球迷入場打氣。 事實上，布拉加依家僅排第九，距離季初訂下取得足協盃入場券目標，仲有一段距離，如果布拉加來屆想進軍歐洲，再冇失分空間。雖然球隊踏入○八年未贏過，但只係早前分心踢葡萄牙盃同足協盃，先會影響成績，依家乜盃賽都打完，可全力備戰聯賽，佢上仗同勁旅賓菲加打成平手，已睇得出隊波爽好多，今仗返主場相信可打開勝利之門。 甘馬雷斯作客麻麻