江忠德·英超王牌：兵工厂五“雷”轰顶

阿仙奴最近多灾多难，近8场只赢1场咁大把，状态极度低迷。话就话要整场大胜嚟振奋士气，但讲就容易遮，遇上要抢分护级嘅雷丁，边有咁轻松。自从喺足总杯俾曼联狂炒之后，兵工厂开始行衰运，主将先后受伤，一连串改变令到球队冇办法正常运作。依家费文尼同希比又话要走人，加拿斯又埋怨云加嘅漂亮足球唔掂，对于一向倡导团结、稳定嘅阿仙奴，简直係内忧外患，对雷丁要大胜都几难。 相反，淘汰兵工厂入欧联4强嘅利物浦势如破竹，作客富咸为己为人，奋斗心十足！先讲番旧年5月，红军当时用后备出战护级嘅富咸，结果输波，令到锡菲联成为间接受害者要降班，事后红军备受猛烈抨击，依家其他几支护级球队嘅领队好醒目，专登喺赛前向宾尼迪斯“诈型”，提醒红军要维护英超公正性，确保以最强阵容出战，搞到宾尼迪斯唔敢掉以轻心，仲讲明早日确保联赛前4，就能够全心全意喺欧联行得更远，整定富咸冇运行咯。 精选推介 阿仙奴 -1.5 雷丁 推介：雷丁 富咸 +0.5 利物浦 推介：利物浦 (： ) 【0，】