江忠德：车路士受累友谊赛 米堡客场有望抢分

连续8场不败嘅米杜士堡出战车仔，虽然蓝军近4战赢晒，但係对手都係弱队，咁嘅环境，都係受让嘅米堡著数喇！米堡近况好过上半季多多声，佢哋依家喺中游位置，由于悠悠闲闲都唔慌会降班，究竟会唔会放软手脚求其踢呢？其实睇番几支中游球队嘅表现，无论係几咁与世无争都好，对住强队点都有番咁上下战意。

唔好忘记米堡今季主场赢过车仔，一季內两对兵工厂都唔使输，对住利物浦(blog)都保持不败，对曼联(blog)都係输一粒，一支球队踢到咁顺想输都几难，尤其係神经刀米堡专克强队，车仔好多球员周中要踢国际友谊赛，舟车劳顿影响体力，令到球队赢波能力下降，呢场再失手并唔出奇！因为艾殊利高尔受伤要唞，虽然重有布历治可用，不过佢嘅助攻好过防守，多少打乱摩连奴嘅部署，因而影响埋进攻，畀米堡成功搏大雾抢到分有乜出奇！

英超另一队神经刀保顿上场砌低屈福特终止4场不胜走势，可以持续反弹，对住唔善于做客嘅富咸，要延续近3次主场赢富咸嘅气势冇困难。两队波都要应付足总杯重赛，睇番后备兵源保顿强过富咸，虽然富咸买入西蒙戴维斯同施马田对攻力有所改善，但係防守不稳就依然冇变，好难顶得住主场好强嘅保顿。

车路士 -1.5 米杜士堡 推介：米杜士堡

保顿 -0.5/1 富咸 推介：保顿