ESPN江忠德：捧杯稳定军心 车路士表现值得期待

阿仙奴人算不如天算，偏偏喺最关键时刻受到主将因伤同仃赛严重影响，由于有欧联对燕豪芬嘅后顾之忧，云加梗係唔想喺十日之内连失三个杯，相对而言，反而英超暂时变成次要，呢场对雷丁点会去尽所以又有失分危机。

近五场2和3负嘅阿仙奴，喺联赛杯决赛输波兼开片令到球队元气大伤，年青球员经验又浅，咁短时间好难谷番起状态，果然喺足总杯重赛对布力般流浪要残阵应战，结果频频断缆又输埋，即使部份主力好番嘅话，云加都唔会冒险畀佢地喺呢场上阵，费事又伤过，宁愿留番对付燕豪芬，事关雷丁嘅硬净同烂打踢法拍得住布力般，剋制住阿仙奴过于柔弱嘅缺点，雷丁一直寄望喺联赛争取高排名进军欧洲赛，所以喺足总杯重赛对曼联都出付选，由此可见抢分决心好强，呢场有机会成功偷鸡。

英超两头马车曼联同车路士家阵抢少一分都唔得，红魔鬼有9分优势，但係少踢一场嘅车仔捧走联赛杯愈踢愈顺，人逢喜事精神爽，兼且同曼联斗到扯晒火，所以朴茨茅夫只有嘆句唔好彩！车仔捧杯稳定军心，球员亦搵番胜利触觉有晒信心，所以对蓝军嘅表现值得期待！近况唔稳嘅朴茨茅夫攻守依然唔掂，主场出击自暴其短，呢个時候撞正当旺嘅车仔，整定佢地唔好彩。

阿仙奴 -1 雷丁 推介：雷丁

朴茨茅夫 +0.5/1 车路士 推介：车路士